Enkelejd Alibeaj pritet të zhvillojë një takim me deputetët e PD-s në orën 10:30 tek kryesia e Kuvendit, para nisjes së sesionit të ri parlamentar.
Edhe ky sesion i ri parlamentar i gjen deputetët demokratët të ndarë në dy fronte, ata që mbështesin Albeajn dhe të tjerë që mbështesin Berishën.
Deputetët që kanë shprehur mbështetje për Alibeajn para disa ditësh e konfirmuan si kryetar grupi, ndërsa mbështetësit e Sali Berishës kanë zgjedhur si kryetar grupi Luçiano Boçin, ndërsa për këtë vendim pritet që të njoftojë shkresërisht edhe Kuvendin. Vetë Berisha la të kuptohet gjatë një konference për mediat se mbledhja e Alibeajt nuk njihet nga PD.
Sot nis sesioni i ri parlamentar, ndërsa në sallën e Kuvendit të Republikës së Shqipërisë, sot rikthehen sërish deputetët në orën 18:00.
