Policia ka arrestuar një 51-vjeçar në Pogradec i cili teksa ka drejtuar mjetin tip “Benz” në gjendje të dehur, i ka “prerë rrugën” një të mituri.
Shtetasi J. M., 51 vjeç, për motive të dobëta e ka kërcënuar me thikë dhe i ka marrë biçikletën 15-vjeçarit.
Biçikleta u gjet në banesë dhe u sekuestrua në cilësinë e provës materiale.
“Specialistët për Hetimin e Krimeve në Komisariatin e Policisë Pogradec bënë arrestimin në flagrancë të shtetasit J. M., 51 vjeç, banues në Pogradec, për veprat penale “Drejtimi i automjeteve në mënyrë të parregullt”, “Vjedhja” dhe “Kanosja”.
Shtetasi i mësipërm, dje në lagjen nr.1, Pogradec, duke drejtuar në gjendje të dehur mjetin tip “Benz”, për motive të dobëta ka kërcënuar me thikë dhe i ka marrë biçikletën një 15-vjeçari, e cila iu gjet në banesë dhe u sekuestrua në cilësinë e provës materiale’, njofton policia.
