Një numër policësh janë duke kryer kontrolle të shumta aktualisht në rrugët e Fierit.
Mësohet se, policia është duke ndaluar makinat për të parë nëse në to gjendet ndonjë person me precedent kriminalë apo persona të tjerë të dyshuar për ngjarjen e mbrëmjes së sotme në Vlorë, ku u qëllua me armë në drejtim të policëve Anxhelo Breshani dhe Nako Mehmetaj teksa ishin duke lëvizur me makinën e tyre në lagjen “Partizani”.
Pasi qëlluan me 5 plumba ndaj makinës ku po udhëtonin policët, autorët që dyshohet se janë dy kanë ikur me shpejtësi prej vendit të ngjarjes duke humbur gjurmët.
Për verifikim janë shoqëruar në komisariatin e Fieri disa automjete dhe drejtuesit e tyre. Pikat e kontrollit janë ngritur në pikat në kyçe në hyrje dhe dalje të qytetit.
