Ish-ministri demokrat, Genc Pollo ka reaguar lidhur me koncesionin e ri të qeverisë për “Ofrimin e shërbimeve të infrastrukturës së çelësave publikë (PKI)”.
Në një postim në FB, Pollo shprehet s përfituesi i koncesionit përfton do të të vjelë nga përdoruesi tarifën e shërbimit, ndërsa shton se e njëjta skemë është përdorur tek PPP e laboratoreve spitalore, apo e inspektimit të benzinatave.
Pollo shprehet se kontabiliteti i bizneseve përdoruese është i pasigurt, pasi kodi i faturave e deklarimeve tatimore që ata lëshojnë nuk disponohet nga vetë ata, por nga “AKShi patronazhist”.
Edhe tarifa, shton, është shumëfish i kostos së shërbimit.
Reagimi
“Edhe ‘infrastrukturën e çelësave publikë (Public Key Infrastructure)’ qeveria Rama po e jep me PPP sipas modelit të njohur: i gjithë shpenzimi për të ndërtuar infrastrukturën e shërbimit përballohet nga shteti (taksapaguesi).
Kur gjithçka është gati koncesioni i jepet “biznesmenit X”.
Ku “biznesmeni X” nuk bën ndonjë investim, nuk merr përsipër risk. Por përfton tagrin që të vjelë nga përdoruesi tarifën e shërbimit. Përdoruesi është herë privat e herë shtetëror.
E njëjta skemë është përdorur tek PPP e laboratoreve spitalore, e inspektimit të benzinatave etj. etj.
Në rastin e fundit, siç shpjegohet në artikull, kontabiliteti i bizneseve përdoruese është i pasigurt mbasi kodi i faturave e deklarimve tatimore që ata lëshojnë nuk disponohet nga vetë ata por nga AKShi patronazhist.
Edhe tarifa është shumëfish i kosotos së shërbimit”, shkruan Pollo.
