Një “Beach bar” me konstruksion druri është djegur në orët e para të ditës së sotme në Vlorë. Bëhet fjalë për biznesin e Olsi Veshaj i njohur si ‘Coco Bongo’. Si pasojë e djegies ka pasur vetëm dëme materiale. Ngjarja ndodhi rreth orës 04:00 në Jonufër ndërsa ende nuk dihet se djegia e biznesit të Veshaj ishte e qëllimshme apo aksidentale.
Në barin veror ‘Coco Bongo’ shpesh këndonin artistë të ndryshëm të estradës shqiptare.
“Në Jonufër, Vlorë, ka rënë zjarr dhe është djegur një objekt “Beach bar” me konstruksion druri, në pronësi të Olsi Veshaj , banues në Vlorë, ku janë shkaktuar vetëm dëme materiale”, njofton policia.
Grupi hetimor po punon për zbardhjen e rrethanave të ngjarjes dhe shkakut të rënies së zjarrit.
