Ish-konkurrentja e “Për’puthen 1”, Antoneta Koçi ka treguar së fundmi rastin kur teksa po kthehej për shtëpi verën e kaluar një djalë e ka ngacmuar duke tentuar dhe ta puthë.
Ngjarja ka ndodhur tek Liqeni Artificial, por fatmirësisht Antonela ia kishte dalë mbanë të largohej dhe një çift e ka shoqëruar deri në shtëpi, për tu siguruar që ajo ndihet e sigurt.
“Ngjarja e tmerrshme që ka ndodhur në Prishtinë, më rikujtoi një ngjarje që më ndodhi mua verën e kaluar tek parku i liqenit artificial. Kam qenë duke u kthyer për shtëpi, ka qenë ora 9 e ca e darkës dhe në një moment më është afruar një djalë dhe ka filluar të më ngacmojë. Pjesa ku filloi të më ngacmonte ishte një rrugë që nuk kishte njeri. Unë po e largoja, por ai afrohej duke më thënë pse bën si e vështirë, sikur s’don. Në një moment afrohet dhe më kap nga krahu dhe tenton t’më puth. Filloj të vrapoj, ai pas meje dhe pas dy minutash më del para një çift. Ndërkohë që po i sqaroja çiftit cfarë po ndodhte e pashë që ai vazhdonte t’më ndiqte. Çifti më shoqëroi deri në shtëpi. Doja të bëja denoncim në polici, por pasi mbërrita në shtëpi si shumë gjëra nuk më kujtoheshin. Ditët kaluan, u përpoqa ta harroja si moment, e lashë pas dore. Por mendoj që duhet ta kisha bërë“- tregoi ajo.
