Modelja dhe aktorja afrikano-jugore, Charlbi Dean ka ndërruar jetë në moshën 32-vjeçare. Mediat e huaja shkruajnë se ajo vdiq nga një “sëmundje e papritur” në një spital të Nju Jorkut.
Aktorja fituese e Palmës së Artë u nda nga jeta vetëm disa javë para publikimit të komedisë, “Triangle of Sadness”, e cila do ta bënte atë një yll.
4 muaj më parë ajo u fejua me të dashurin e saj prej 4 vitesh, Luke Chase Volker, në të njëjtën rrugë në Manhattan ku dhanë puthjen e tyre të parë.
Aktorja është e njohur për rolet e saj në Black Lightning në 2018, An Interview with God, ose filmin e Donovan Marsh të vitit 2010 Spud dhe vazhdimin e tij të vitit 2013.
Roli i fundit i saj ishte portretizimi i modeles Yaya përballë Woody Harrelson në komedinë satirike të Ruben Östlund të mbytjes së anijes Triangle of Sadness, e cila do të shfaqet në kinematë amerikane më 7 tetor dhe në kinematë në Mbretërinë e Bashkuar më 28 tetor.
