Një aksident me pasojë vdekjen ka ndodhur mëngjesin e sotëm në Tiranë, ku një e re ka humbur jetën.
“Rreth orëve të para të mëngjesit, në rrugën “Shaban Bardhoshi”, shtetasi D. T., duke drejtuar automjetin, ka humbur kontrollin mbi drejtimin e tij duke dalë nga rruga dhe ka hyrë në oborrin e një banese”, njofton policia.
Si pasojë është dëmtuar Marjana Seitaj, 23 vjeçe, që ndodhej në oborrin e banesës së saj, e cila më pas, ka ndërruar jetë në spital.
Grupi hetimor po punon për sqarimin e rrethanave të aksidentit.
Po mëngjesin e sotëm, një tjetër aksident me vdekje u shënua në Fier.
