Tirana ka një kalendar relativisht të lehtë në pesë javët e mbetura të kampionatit. Kështu, Vllazninë e pret të premten në klasiken e futbollit. Në javën e katërt do të luajë me Kastriotin dhe një takim më pas me Teutën.
Në këto tri sfida duhen pikët e plota. Në javën gjashtë, dihet, luhet Partizani-Tirana, ndërkohë që në javën e shtatë skuadra e Shehit përballet me Laçin. Një kalendar i mirë, duke ditur që Tiranës i janë larguar disa lojtarë me peshë: Erjon Hoxhallari, Majkëll Ngo dhe Ardit Toli, si dhe të tjerë që nuk kishin hapësira.
Plus këtu, edhe Enur Totre që iku pas Europës dhe Taulant Seferi. Këtë verë janë afruar Kallaku, Huseini, Aleksi, Hasani, Iseni, Hila, Berisha dhe braziliani Patrik. Deliu është lojtari i nëntë i kësaj merkatoje të Tiranës.
