Detaje të reja nga aksidenti i ndodhur në orët e para të mëngjesit në aksin rrugor Fier-Vlorë, në afërsi të fshatit Panaja.
Familja Mithi, burri gruaja dhe dy fëmijët 6 dhe 3 vjeç kishin ardhur nga Turqia dhe mësohet se kishte udhëtuar gjithë natën për të mbërritur në Vlorë.
Dyshohet se drejtuesin e ka zënë gjumi në timon.
Rreth orës 04:45, 33 vjeçari duke drejtuar automjet tip “Benz”, dyshohet se ka humbur kontrollin e mjetit dhe ka dalë nga rruga dhe është përplasur me barrierat mbrojtëse të saj, njoftoi policia.
Fëmija 6 vjeç humbi jetën në vendngjarje ndërsa babai, nëna dhe motra 3 vjeçe ndodhen jashtë rrëzikut për jetën duke marrë ndihmën mjeksore në urgjencën e spitalit të Vlorës pasi plagët e marra në trup janë të shumta.
