Reali i Madridit fitoi në transfertën me Espanyol me rezultatin 1-3 dhe mori kreun e klasifikimit me pikë të plota, kryesim që e ndan me Betisin.
Karim Benzema shënoi dy golat që vulosën fitoren e madrilenëve, duke iu përgjigjur kështu ndeshjes fantastike që bëri Lewandowski disa orë më parë, me polakun që edhe ai realizoi dygolësh.
Kështu, pas 3 ndeshjeve të para në kampionatin spanjoll, Lewandowski dhe Benzema e kanë shpallur të hapur luftën për titullin e golashënuesit më të mirë të kampionatit. Për momentin, polaku kryeson me 4 gola, i ndjekur nga francezi me 3.
