Gjyqi me Johnny Depp i kushtoi Amber Heard 8.2 milionë dollarë dëmshpërblim.
Megjithatë, Heard nuk duhet të merret vetëm me pasojat ekonomike, por edhe me ato sociale.
Sipas ‘Geo News’, cituar nga revista ‘Star’, disa nga miqtë e mirë të Heard-it që bënin festa me të, po e injorojnë plotësisht edhe pse ajo iu drejtua atyre për ndihmë.
Gjendja e saj financiare është ndikuar në mënyrë drastike dhe ajo është detyruar të zhvendoset në një vend shumë më të vogël, ndërkohë që nuk mund të gjejë punë.
Një burim që dëshiron të mbetet anonim thotë se miket e saj të vjetra Kristen Stewart, Cara Delevingne dhe Margot Robbie i kanë bërë “dalje” dhe “e kanë lënë mënjanë”.
“Amber ka kontaktuar me miqtë e vjetër si Kristen Stewart, Cara Delevingne dhe Margot Robbie, duke shpresuar se ato të paktën do ta ndihmojnë atë me një vend për të qëndruar, ” tha burimi.
“Ato e përçmojnë dhe në shumë raste nuk flasin me të dhe e lënë të shkojë”.
Pak ditë më parë u bë e ditur se për shkak të mungesës së ofertave asaj iu ofrua një rol në një film porno “X-rated” dhe paratë që do t’i jepeshin do të ishin 9 milionë dollarë, nga të cilat 1 milionë do të shkonin për bamirësi.
Sipas informacioneve të Marca, agjencia Zen Models shpresonte të përfitonte nga gjendja në të cilën është Heard, por ajo nuk mori asnjë përgjigje nga aktorja.
Në emisionin australian “Pop Topic” u raportua se Heard u afrua për një marrëveshje me vlerë nëntë milionë dollarë për të luajtur në një film të titulluar “High Voltage”.
“Ne jemi kontaktuar nga një grup kompanish të prodhimit të filmave për të rritur të interesuara për t’i ofruar zonjës Heard një kontratë për të luajtur në një produksion video argëtimi për të rritur,” tha presidentja e Zen Models Veronica Madjarian.
