Autori i plagosjes që ndodhi ditën e djeshme në Tiranë vijon të jetë në kërkim. Ndërkohë, policia ka arrestuar vëllanë e tij, pasi akuzohet se ka fshehur prova, gëzhoja dhe DVR e kamerave te sigurisë.
Ngjarja dyshohet se ka ndodhur pas një konlfikti të çastit, pasi personat e përfshirë kanë qenë duke luajtur me letra në shtëpinë e autorit, ku ka dy kamera sigurie që kanë filmuar pamjet, por dyshohet se janë marrë nga vëllai i autorit dhe janë fshehur.
Po ashtu, është marrë në polici një makin tip “Audi A3” që i përket familjes së autorit, për t’u këqyrur pasi ishte e mbyllur dhe do të verifikohet nëse në të ka sende të kundraligjshme.
Në banesën e autorit janë gjetur edhe rreth 50 fishekë 9mm dhe një sasi lënde narkotike.
Mbrëmjen e djeshme në rrugën “Tasim Shehu” 49-vjeçari Albert Ostreni plagosi 23-vjeçarin Ronaldo Mejdani.
23-vjeçari u dërgua menjëherë në spital për të marrë ndihmën mjekësore.
