Jeton Lami pjesë e uniformave blu të Policisë së Shtetit, është vënë në pranga pasi akuzohet se ka përkrahur dhe transportuar të shumëkërkuarin Ervis Martinajn të paktën tre here.
Detaje të reja kanë dalë në pah lidhur me momentet kur polici Jeton Lami ka ndihmuar të shumëkërkuarin Ervis Martinajn që të arratiset. Sipas News24, policia ka sekuestruar kamerat e zonës, ku dallohet polici që po ndihmonte Martinajn, ky i fundit si dhe një vajzë të cilët po futeshin në një automjet. Pamjet në fjalë janë kapur nga kamerat sigurie ku shfaqen në Durrës dhe në Tiranë, në hotel.
Ditën e sotme u vu në pranga 28-vjeçari Jeton Lami, i cili akuzohet se ka përkrahur dhe transportuar të shumëkërkuarin Ervis Martinaj. 28-vjeçari me detyrë punonjës policie (agjent), pranë Drejtorisë së Forcës së Posaçme Operacionale në Policinë e Shtetit, është lënë në burg nga gjykata dhe akuzohet për shpërdorim detyre.
