Kryetari i Partisë Demokratike, Sali Berisha denoncon se ministri i Brendshëm Bledi Çuçi shkel rregullat për hapësirën e lundrimit me mjetin e tij, duke rrezikuar jetën e qytetarëve.
Berisha, përmes një postimi në FB, poston një denoncim me video ku akuzohet drejtuesi i Ministrisë së Brendshme.
“Ministri i familjes Çuçi është velist i madh! Bllokon motorrët e liçensuar të ujit por vetë me velierën e tij nuk njeh as ligj, as rregull”, shkruan Berisha.
Më tej, poston edhe mesazhin e ardhur në adresë të tij:
“Jam nje biznes men i motorrave te ujit qe jemi bllokur pa te drejte. Doja te ngrija nje shqetësim.
Tek plazhi ku une ushtroj aktivitetin tim prej vitesh na kane bllokuar si biznes nuk na lejojn me nxjerre motorrat ne uje kur nderkohe skafi i Blendi Cucit, ministrit, vjen ne breg duke rreziku jeten e qytetarve dhe mer turiste cdo dite.
Ju ve ne dispozicion videon ku anija e Blendi Cucit afrohet tek zona e plazhisteve 100 metra nga bregu kur nderkohe duhet te rrije 300 metra. Kam njoftuar policine disa here, por nuk vjen njeri”.
