Një automjet i ushtrisë është aksidentuar në Qafën e Vishës në Himarë, duke sjellë plagosjen e drejtuesit të mjetit dhe dy ushtarëve në bord.
Të aksidentuarit raportohet se janë jashtë rrezikut për jetën.
Aksidenti u shënua rreth orës 16:30, në vendin e quajtur “Qafa e Vishës”. “P.N., 64 vjeç, duke drejtuar një automjet të ushtrisë, dyshohet se ka humbur kontrollin mbi drejtimin e mjetit dhe për pasojë mjeti është përplasur me bordurën anësore të rrugës. 64-vjeçari, së bashku me 2 prej ushtarakëve që udhëtonin në këtë mjet, G.H., 23 vjeç dhe J. Ll., 32 vjeç, ndodhen në spitalin e Himarës, jashtë rrezikut për jetën”, informoi policia lokale.
Grupi hetimor ndodhet në vendngjarje dhe po punon për sqarimin e rrethanave të aksidentit, shtuan të njëjtat burime.
