Një person është goditur me thikë në Vlorë dhe ka mbetur i plagosur mbrëmjen e kësaj të Marte.
Ngjarja ka ndodhur rreth orës 19:40, në bulevardin “Ismail Qemali”, sipas informacioneve parapake nga policia lokale.
“Dyshohet se pas një konflikti të çastit, është dëmtuar me mjet prerës thikë, shtetasi E.K, 19 vjeç, i cili është dërguar në spital dhe ndodhet nën kujdesin e mjekëve”, thuhet në një njoftim të bluve për ngjarjen.
Grupi hetimor ndodhet në vendngjarje dhe po punon për identifikim dhe kapjen e autorit si dhe për zbardhjen e plotë të rrethanave të ngjarjes, shtuan të njëjtat burime.
