Policia e Tiranës arrestoi 3 shtetas, pasi vinin baste sportive, nëpërmjet aparateve të tyre celulare.
Sipas njoftimit për shtyp të policisë në kuadër të operacionit policor të koduar “Fati i lojërave” u arrestuan në flagrancë shtetasit A. Z. (A)., 28 vjeç, Sh. G., 48 vjeç, dhe M. B., 58 vjeç, të tre banues në Tiranë, për veprën penale “Organizimi i lotarive të palejuara”.
“Si rezultat i kontrolleve të pandërprera të ushtruara nga shërbimet e Policisë, në lokale dhe ambiente të ndryshme, këta shtetas u kapën në flagrancë, në një lokal në rrugën “Selim Brahja”, duke vënë baste sportive, me celularët e tyre, të cilët u sekuestruan në cilësinë e provës materiale”, thuhet më tej në njoftimin e Policisë.
