“Burg pa afat” dha sot gjykata e Sarandës si masë sigurie për 18 vjeçarin Xhoi Tarja dhe 24 vjeçarin Xhanelo Tarja.
“Arrest me burg” kërkoi organi i akuzës nga prokurore Alba Dhima dhe i të njëjtit vendim ka qëndruar edhe gjyqtari Alban Veçani.
Dy vëllezërit Tarja janë ndaluar dy ditë më parë për ngjarjen e ndodhur për shkak të një parkimi ku gjeti vdekjen pas goditjes me thikë 41 vjeçari Klodian Bakiaj nga Tepelena.
Mbi të dy vëllezërit Tarja rëndon akuza “Vrasje me dashje në bashkëpunim” 76 e 25 K.Penal Sot në masën e sigurisë të rinjtë me lot në sy kanë kërkuar ndjesë për çfarë ka ndodhur.
Ndërsa sipas avokatit Edison Ademi, autori i ngjarjes ka qenë 18 vjeçari. Pas goditjeve me grushte që viktima i ka dhënë 18 vjeçarit ky u fundit u largua për momentin për t’u rikthyer përsëri ku grindja vazhdonte me vëllanë tjetër Xhanelo Tarja.
Xhoi ka goditur me thikë me një goditje mbi 41 vjeçarin Klodian Bakiaj, goditje fatale kjo që i mori atij jetën.
Ndërsa për G.A, administrator i hotelit ku punonin dy të rinjtë u mor si masë “Arrest me burg” me afat 1 muaj me akuzën “Veprime që pengojnë zbulimin e së vërtetës” parashikuar nga neni 301 KP.
Një vend parkimi është bërë shkak për një konflikt që përfundoi me vdekjen 41-vjeçarit në Sarandë. Klodian Bakia, banues në Tepelenë, humbi jetën pasditen e 17 Gusht 2022.
