Yuri Kim, ditët e nxehta të gushtit i ka kaluar duke pushuar në jug të vendit. Madje, ambasadorja amerikane në Tiranë ka zgjedhur t’i bëjë shoqëri edhe këngëtares shqiptare me famë botërore, Dua Lipa, e cila ndodhet në Sarandë në një prej resorteve luksoze.
E të njëjtat vende frekuenton edhe Yuri Kim, siç duket qartë në këtë video të postuar nga Dua Lipa, ku ambasadorja duket krah saj duke kënduar dhe konsumuar një kotej.
Kujtojmë që një vit më parë Yuri Kim u vu në qendër të kritikave pasi u fotografua mbi jaht me një tufë oligarkësh që marrin tendera nga Edi Rama.
Sivjet ajo nuk është parë ende mbi jaht, por që ndodhet në resortet luksoze.
Frekuentimi i vendeve të luksit, hotele me 5 yje dhe restorante të shtrenjta kushtojnë mjaft para, burimi i të cilave nuk është bërë ndonjëherë publik si detyrim ndaj transparencës në radhë të parë ndaj qytetarëve taksapagues amerikanë dhe së dyti ndaj atyre shqiptarë pasi këtu shërben si diplomate dhe jep jo vetëm këshilla, por edhe direktiva e ultimatume për të ndikuar politikën.
Natyrshëm lind pyetja: Kush ia sponsorizon pushimet Yuri Kim? Kush i mbulon faturat mijëra euro për çdo natë qëndrimi të ambasadores në hotelet me 5 yje dhe restorantet e klubet e shtrenjta?
Ambasadorja është promotore e shprehjes ‘Fund Pandëshkueshmërisë’, si një thirrje e saj për të luftuar korrupsionin dhe krimin e organizuar.
Por në fakt, korrupsioni lidhet edhe me frekuentimin e jahteve e anijeve të oligarkëve të cilët më pas marrin tendera te Edi Rama.
Korrupsion është edhe nëse një ose disa oligarkë i paguajnë pushimet ambasadores, në këmbim të suportit që marrin prej saj e për rrjedhojë jo vetëm që zhvatin buxhetin e shtetit, por edhe shndërrohen në ‘investitorë strategjikë’ nga Edi Rama e zaptojnë bregdetin.
