Një ngjarje e rëndë ka tronditur Elbasanin mbrëmjen e së mërkurës ku një 33-vjeçar i identifikuar si Madrit Ulqinaku ka mbetur i vdekur, pasi ndaj tij është shtënë me armë.
Ngjarja ka ndodhur në bulevardin kryesor të qytetit, në afërsi të stadiumit “Elbasan Arena”, kur i riu sapo ishte larguar nga lokali dhe i ishte drejtuar makinës së tij kur dhe është qëlluar disa herë nga 20 vjeçari Klajdi Shaholli.
Ai ka mbetur i vdekur në vend, ndërsa policia në deklaratën e bërë publike për median sqaron se bëhet fjalë për një konflikt për motive të dobëta mes të rinjve, ndërsa Ulqinaku është qëlluar nga i riu Klajdi Shaholli, 20 vjec.
I riu u qëllua me armë në një kohë kur në zonë ka pasur lëvizje të shtuar të qytetarëve në xhiron e mbrëmjes.
Pas të shtënave, dyshohet se autori është larguar me një automjet, bashkë me dy persona të tjerë.
“Rreth orës 21:50, në lagjen ‘Kongresi’, gjatë një konflikti për motive të dobëta midis disa të rinjve, dyshohet se shtetasi K.SH, rreth 20 vjeç, ka qëlluar me armë zjarri pistoletë dhe për pasojë ka humbur jetën shtetasi Madrid Ulqinaku, rreth 25 vjeç, banues në Elbasan”, thuhet në një njoftim të policisë.
“Shërbimet e Policisë kanë shkuar menjëherë në vendngjarje, së bashku me grupin hetimor. Është rrethuar zona dhe vijon krehja e saj për të bërë të mundur kapjen e autorit. Grupi hetimor, nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes”, shtojnë të njëjtat burime.
Viktima nuk rezulton të ketë qenë një person problematik, referuar burimeve policore. Ai jetonte mes Italisë ku punonte dhe qytetit të Elbasanit ku kishte familjen. Madrid Ulqinaku ishte babai i nje vajze 8 vjece e cila ishte e diagnostikuar me autizëm. Ndërsa mësohet gjithashtu se në vitin 1997, Ulqinakut i vranë edhe vëllain.
