Një vrasje me armë zjarri ka ndodhur mbrëmjen e kësaj të Mërkure në Elbasan, ku është ekzekutuar Madrid Ulqinaku, 25 vjeç.
Ngjarja ka ndodhur pranë stadiumit “Elbasan Arena”, një zone kjo mjaft e populluar në qytet.
Sipas një rindërtimi paraprak të ngjarjes, Ulqinaku është qëlluar sapo doli nga një lokal. Teksa i afrohej automjetit të parkuar aty pranë, ai është qëlluar disa here me armë zjarri.
Pas të shtënave, dyshohet se autori është larguar me një automjet, bashkë me dy persona të tjerë.
Referuar të dhënave të para, Ulqinaku është arrestuar tre vite më parë pasi ka marrë pjesë në protestat e opozitës, por nuk rezulton të ketë precedentë kriminalë.
Policia dhe grupi hetimor ka shkuar në vendngjarje pas marrjes së njoftimit për c’ka ka ndodhur. Marrja në pyetje e dëshmitarëve dhe kqyrja e kamerave të sigurisë pritet të hedhin më shumë dritë rreth ngjarjes.
