I dërguari i SHBA-ve për Ballkanin Perëndimor, Gabriel Escobar ka deklaruar se Kosova dhe Serbia duhet të zhvillojnë bisedime produktive në takimin e nesërm në Bruksel.
Escobar ka theksuar se pritjet janë që të arrihet një marrëveshje e cila e ruan sovranitetin dhe pavarësinë e Kosovës, po ashtu që parandalon dhunën.
“Ne duam të kemi bisedime produktive nesër dhe po shpresojmë se të dyja palët mund të arrijnë një marrëveshje e cila ruan sovranitetin dhe pavarësinë e Kosovës dhe gjithashtu parandalon dhunën. Kështu që po shpresojmë për bisedime të mira”, tha ai në një reagim.
Nesër në Bruksel kryeministri Albin Kurti dhe presidenti serb Aleksandar Vuçiç do të takohen me përfaqësues të BE-së dhe SHBA-së në kuadër të dialogut.
