Vrasja në Elbasan dyshohet se ka ndodhur në vazhdën e një konflikti për motive të dobëta mes disa të rinjve. Në këtë konkluzion del policia pas hetimeve të para. Ndërkohë, i riu që shkrepi këmbëzën e armës së zjarrit, është identifikuar.
“Rreth orës 21:50, në lagjen ‘Kongresi’, gjatë një konflikti për motive të dobëta midis disa të rinjve, dyshohet se shtetasi K.SH, rreth 20 vjeç, ka qëlluar me armë zjarri pistoletë dhe për pasojë ka humbur jetën shtetasi Madrid Ulqinaku, rreth 25 vjeç, banues në Elbasan”, thuhet në një njoftim të policisë.
“Shërbimet e Policisë kanë shkuar menjëherë në vendngjarje, së bashku me grupin hetimor. Është rrethuar zona dhe vijon krehja e saj për të bërë të mundur kapjen e autorit. Grupi hetimor, nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes”, shtojnë të njëjtat burime.
