Dy pronarë lokalesh janë arrestuar nga policia e Tiranës për organizimin e kundërligjshëm të lojërave të fatit.
Nga operacioni i koduar ‘Ticket 2’, u arrestuan dy persona të identifikuar si N. P., 40 vjeç, pronar i një lokali në Paskuqan dhe K. C., 33 vjeç, pronar i një lokali në Laknas.
Ata akuzohen për veprat penale “Vënia në dispozicion e lokaleve për lojëra të palejuara” dhe “Organizimi i lotarive të palejuara”.
Gjatë kontrolleve të ushtruara nga shërbimet e Policisë, në lokalet e këtyre shtetasve, u gjetën dhe u sekuestruan në cilësinë e provës materiale, 3 dekodera dhe 3 aparate celulare, të programuara për vendosjen e basteve sportive, njoftoi policia.
