Skena absurde në Afrikën e Jugut ku një makinë ka hyrë në fushën e lojës në një ndeshje të Kategorisë së Tretë, për të kërcënuar gjyqtarin e takimit. Fatmirësisht, nga gjesti i çmendurisë nuk është lënduar askush e madje as gjyqtari ndaj të cilit, siç e shikoni edhe në pamje, ishte drejtuar makina.
Tifozi në fjalë, i dha shenjat e nervozizmit disa minuta më parë për shkak të vendimeve të kryesorit që sipas tij ishin tendencioze dhe pasi e kërcënoi disa herë “xhaketën e zezë” ai e bëri realitet premtimin.
Sipas shtypit vendas, agresori është arrestuar dhe ndaj tij do të ngrihet akuza e vrasjes së mbetur në tentativë duke rrezikuar më shumë se 10 vite heqje lirie.
