Eksperti i kriminologjisë, Ervin Karamuço, ka paralajmëruar Policinë e Shtetit, të hapë sytë, pasi krimi i organizuar dhe trafikantët e drogës tashmë po përdorin teknika të reja kriminale.
Me anë të një postimi në rrjetin social, Karamuço thekson se sëfundmi platforma Netflix po përdoret nga ana e grupeve keqbërëse si mundësi komunikimi, duke dërguar mesazhe të koduara.
“Policia e Shtetit të hapë sytë. Studimet e reja mbi taktikat kriminale kanë përfshirë edhe Netflix në llogaritë e komunikimit midis grupeve keqbërëse. Logove të një llogarie në Netflix nuk ju shkruhen emrat, por mesazhet e banditëve. Njëri në Ekuador, tjetri në Hollandë dhe i fundit në Tiranë janë shumë komod të komunikojnë pa u pikasur fare”, shkruan Karamuço.
