Një 25-vjeçar shqiptar që është denoncuar fillimisht për përdhunim, përmendet edhe për ryshfet, pasi i ka ofruar policisë një shumë parash, që ta lirojnë dhe të mos e arrestojë.
Siç raporton “Rodiaki”, një 17-vjeçare gjermane ka shkuar në Departamentin e Sigurimit të Kos dhe ka denoncuar 25-vjeçarin shqiptar për përdhunim. Ajo tha se ata u takuan në një dyqan të kujdesit shëndetësor dhe përfunduan në plazhin e ishullit.
Policia e gjeti dhe e arrestoi 25-vjeçarin, i cili mohoi atë që i atribuohej dhe pretendoi se ajo që ndodhi ishte bërë me pëlqimin e vajzës.
Më pas 25-vjeçari u ka kërkuar oficerëve që të “mbyllnin” çështjen dhe ta linin të ikte, duke u premtuar se do t’u blinte kafe ose do t’u jepte çfarëdo që të kërkonin.
Tentativa për ryshfet nuk solli rezultatin e dëshiruar të 25-vjeçarit, pasi policia e referoi si për përdhunim të 17-vjeçares, ashtu edhe për ryshfet.
