Policia e Tiranës ka arrestuar një 32-vjeçar që drejtonte automjetin në gjendje të dehur. Ky shtetas u ndalua teksa drejtonte automjetin tip Benz në kryqëzimin e rrugës “Mustafa Matohiti” me Rrugën e Elbasanit.
Gjatë verifikimit të dokumenteve, ka rezultuar se mjeti që drejtonte shtetasi P. S. ishte shpallur në kërkim nga DVP Fier, pasi nuk i ka ndaluar shërbimeve të Policisë, në pikat e kontrollit, bën me dije policia.
Pas kryerjes së testit të alkoolit, shtetasi P. S. ka rezultuar se drejtonte automjetin, në gjendje të dehur, dhe me qëllim shmangien e procedurave ligjore dhe shoqërimin në komisariat, ka kundërshtuar punonjësit e Policisë dhe ka tentuar t’i korruptojë, duke iu ofruar një shumë parash.
Materialet i kaluan Prokurorisë, për veprime të mëtejshme procedurale.
