Një aksident ka ndodhur mesditën e sotme në Divjakë, në fshatin Zharrnec.
Mjeti tip Citroen në manovrim për t’u kthyer në rrugë ka goditur një motoçikletë me të cilin udhëtonte shtetasi Rexhep Coku, 60 vjeç, banues në fshatin Muçias bashkia Divjakë.
Goditja ka qenë e madhe dhe i ka shkaktuar plagë të rënda 60 vjeçarit, por fatmirësisht ai kishte vendosur në kokë kaskën mbrojtëse e cila i ka shpëtuar jetën.
Coku është transportuar me urgjencë në spitalin e Lushnjes.
Policia ka ndaluar drejtuesin e mjetit që shkaktoi aksidentin.
