Një tjetër aksident ka ndodhur të enjten në mesditë në Lushnjë, në rrugën nacionale Pushimi i Shoferit – Divjakë, pranë fshatit Zharrnec.
Nga aksidenti ka mbetur e plagosur rëndë drejtuesja e një Ford Fokus me targa AA 948 BP, i cili i përplas nga kamionçina me targa AA 739 FU.
Përplasja ishte ballore dhe sipas të dhënave paraprake dyshohet se drejtuesja e Fordit e ka hubur kontrollin e mjeti duke shkaktuar aksidentin.
E plagosura është nisur në gjendje të rëndë shëndetësore drejt spitalit të Lushnjës, kurse Policia ka ndaluar për të mësuar rrethanat e aksidentit, drejtuesin e kamionçinës, që ka marrë dëmtime të lehta.
Aksidenti ka shkaktuar radhë kilometrike dhe Policia Rrugore është detyruar të vërë rregull në trafik gjatë kohës që ndiqte procedurat për rastin.
