Demokratët vijojnë denoncimet lidhur me atë që e konsiderojnë si afera më e madhe e shekullit, duke iu referuar skandalit të inceneratorëve.
Deputetii PD, Luan Baçi, tha se vetëm në fillim të këtij muaji janë dhënë 3 herë nga mbi 600 milionë lekë për incenratorin e Fierit, që nuk funksionon. Fondi është dhënë për pronarë që janë shpallur në kërkim ndëkrombëtarë.
“Dyshja Rama-Subashi autorizuan miliona euro për persona në kërkim dhe një incenerator që nuk funksionon.
Qytetaret e Fierit e dinë mirë se, personin që dyshja Rama-Subashi autorizuan për firmosjen e çdo gjëje që kishte të bënte me inceneratorin e Fierit, fillimisht e emëruan Drejtor të Përgjithshem te Albpetrol, e pak muaj me pas e arrestuan. Por qytetaret e Fierit u çuditen kur mësuan se miliona euro po paguhen për persona në kërkim ndërkombëtar, ndërkohë që inceneratori nuk funksionon.
Vazhdojmë edhe sot me disa pyetje për SPAK: Pse Rama-Balluku paguan 3 herë nga 627 milionë lekë brenda dates 1 gusht, për inceneratorin e Fierit? Ku është inceneratori i Fierit që duhej të ishte dorëzuar me çelësa në dorë sipas kontratës së fshehtë?”, tha Baçi.
