Kryeministri Edi Rama vjon propagandën, ndërsa sot ka shfrenuar fantazinë duke u shpreh se përsa i takon numrit të turistëve të huaj, Tirana renditet si vend i dytë pas Antalias.
Dhe për ta bërë më të besueshëm, Rama ka përmendur numrin e turistëve të huaj që kanë vizituar Tiranën në qershor, korrik dhe ditët e para të gushtit.
“Jo më larg se sot unë kam marrë shifrat e këtij viti, që flasin më qartë se çdo fjalim, për vizitorët e huaj, duke përjashtuar vizitorët nga Kosova, që hyjnë të paregjistruar. Në qershor kemi pasur 604 mijë turistë, përfshirë dhe turistët nga Kosova.
Sot kemi 876 mijë turistë të huaj, pasaporta të huaja, as të Shqipërisë, as të Kosovës. Në korrik kemi pasur 1.1 mln, sot kemi 1.4 mln pasaporta të huaja. Në këtë periudhë, 1 deri në 7 gusht, 411 mijë vjet, 482 mijë sivjet. Në një nga klasifikimet e bëra për rritjen më të lartë të turizmit, në gjithë zonën e Mesdheut, Tirana zë vendin e dytë pas Antalias”, shprehet Rama.
