Muzikanti britanik Sting ndërpreu një koncert në Varshavë të shtunën mbrëma për të paralajmëruar audiencën e tij se demokracia është nën sulm në mbarë botën dhe për të denoncuar luftën në Ukrainë si “absurditet i bazuar në një gënjeshtër”.
Ai tha se demokracia ishte “në rrezik të madh të humbte nëse nuk e mbrojmë atë”.
“Alternativa e demokracisë është burgu, burgu i mendjes. Alternativa e demokracisë është dhuna, shtypja, burgimi dhe heshtja. Lufta në Ukrainë është një absurditet i bazuar në një gënjeshtër. Nëse e gëlltisim këtë gënjeshtër, gënjeshtra do të na hajë”, tha Sting.
Sting mori duartrokitje të forta kur tha se demokracia është e çrregullt dhe zhgënjyese “por ende ia vlen të luftohet për të”.
