Kryetari demokrat, Sali Berisha, vazhdoi ciklin e publikimeve që dokumentojnë historinë e vërtetë të marrëdhënieve shqiptaro-amerikane.
Këtë herë ai publikoi pamje nga vizita e ish-Sekretarit të Shtetit, James Baker, ku ai shprehu mbështetjen për PD-në.
Berisha e nisi këtë seri publikimesh pas falsifikimeve dhe censurimeve të kësaj historie.
POSTIMI I PLOTE
Historia e vërtetë e marrëdhënieve shqiptaro-amerikane në 31 vitet e fundit në foto dhe video!
Miq, për shkak të falsifikimit banal dhe censurimit si në kohërat e vjetra, të historisë se marrëdhënieve shqiptaro-amerikane nga Edi Rama, neobllokmenët e tij dhe mafia e George Sorosit, vendosa te flas dhe të paraqes për ju çdo ditë në foto dhe video të gjitha momentet më thelbësore të këtyre marrëdhënieve në 100 vjetorin e tyre.
Në historinë 100 vjeçare të marrëdhënieve miqësore shqiptaro-amerikane, vizita më 22 qershor 1991 e sekretarit të shtetit James Baker mbetet një nga ngjarjet më të rëndësishme.
Ajo ishte vizita e parë e atij niveli në historinë e këtyre marrëdhënieve.
Vizita vinte pas 45 viteve të ndërprerjes së këtyre marrëdhënieve nga etërit shpirtëror dhe biologjik të Edi Ramës, të cilët vendosën diktaturën e egër staliniste dhe rreshtuan Shqipërinë në anën e Rusisë.
Sekretari Baker në fjalën e tij para gjysmë milioni shqiptarësh dhe mbarë botës solli nga presidenti George H. Bush dhe vendi i tij i madh
– mesazhin e lirisë dhe
– të miqësisë për shqiptarët dhe
– mbështetjen e hapur për Partinë Demokratike, opozitën shqiptare.
