Ministrja e Financave, Delina Ibrahimaj, ka publikuar disa të dhëna statistikore në lidhje me sektorin e turizmit duke e cilësuar atë si një ndër kontribuesit kryesorë në rritjen ekonomike të vendit gjatë këtij viti.
Ibrahimaj thekson se biznesi pati një rritje me 23% gjatë periudhës maj-qershjor 2022 krahasuar me të njëjtën periudhë të një viti më parë, ndërkohë që kërkon nga qytetarët të mos shikojnë çfarë raportojnë mediat mbi problematikat që ka patur turizmi këtë vit.
“Këto shifra dhe jo perceptimet që përshfaqen lart e poshtë këto ditë, tregojnë qartë për ecurinë e këtij sektori të rëndësishëm, rritjen e konsumit dhe vlerën që turizmi ka në rimëkëmbjen e ekonomisë”, shkruan Ibrahimaj në Facebook.
Nuk ka si të ndodhë ndryshe, kur edhe Kryeministri Edi Rama pak ditë pas ngjarjes tragjike në Potam të Himarës, ku një 7 vjeçare u vra në bregun e detit nga një skaf, i cili drejtohej nga Komisari Arjan Tase, tha se ky ishte një nga sezonet më të organizuar të turizmit.
