Partizanit dhe Egzon Belica e kanë mbyllur bashkëpunimin mes tyre.
Lajmi është bërë publik nga vetë klubi përmes një postimi në faqen zyrtare, ku njoftoi se 31-vjeçari ka gjetur gjuhën e përbashkët me drejtuesit për të ndërprerë me konsensus bashkëpunimin.
Prej disa ditësh futbollisti kishte lënë fazën përgatitore dhe kishte nisur bisedimet për ndërprerjen e kontratës, diçka që u konkretizua në fillimin e kësaj jave.
Belica u transferua tek të kuqtë në janarin e vitit 2018, duke kaluar 4 edicione e gjysmë me fanellën e Partizanit. 31-vjeçari arriti që të fitonte titullin kampion dhe një Superkupë Shqipërie, duke qenë protagonist absolut, pasi ishte një titullar fiks në formacionin e kryeqytetasve.
Të kuqtë duhet të nxitojnë jo vetëm për të gjetur zëvendësuesin e Dritan Mehmetit, por dhe për të plotësuar vakancën që lë Belica, i cili në sezonin e shkuar u aktivizua në 24 ndeshje të plota, duke qenë dhe lojtari më i aktivizua në radhët e skuadrës së “demave”.
