Dy banesa në fshatin Kabash në qendrën administrative Poroçan, Gramsh, janë djegur, fatmirësisht pa shkaktuar dëme në njerëz.
Nga raportimet mësohet se banesat, në pronësi të Çlirim dhe Rexhep Licit, u përfshinë nga flakët rreth orës 03:00 të mëngjesit.
Dyshimet e para janë se zjarri mund të jetë shkaktuar nga një shkëndijë elektrike.
Në vendngjarje kanë mbërritur forcat e zjarrfikësve, por era e fortë ka favorizuar flakët duke bërë që shtëpitë të shkrumbohen.
