Detaje të reja kanë dalë në dritë në lidhje me sherrin e ndodhur mesditën e sotme në një restorant në Sarandë.
Policia bën me dije se ka shpallur në kërkim 48-vjeçarin Alban Çoba. Ai është pronari nga Fieri i restorantit “Fantastic”.
Ngjarja ka ndodhur rreth orës 18:00 pas një debati me disa klientë nga Delvina lidhur me faturën, për të cilën klientët nuk ishin dakord dhe refuzonin ta paguanin.
Çoba i ka kanosur ata me një mjet prerës, por fatmirësisht nuk ka gjuajtur në drejtim të ndonjërit prej klientëve, ndaj incidenti është mbyllur pa të lënduar.
Restoranti ku ka ndodhur episodi i pakëndëshëm për turizmin, ndodhet në aksin Turizëm- Kanali i Çukës.
Gjithashtu raportohet se policia nuk e ka gjetur as në lokal dhe as në banesë pronarin, ndaj e ka shpallur në kërkim.
View this post on Instagram
