Një furgon ka dalë nga rruga këtë mbrëmje në aksin rrugor që lidh Tamarën me Koplikun.
Për pasojë, janë lënduar katër pasagjerë të furgonit.
Njoftimi i policisë:
Malësi e Madhe/ Informacion paraprak
Në aksin rrugor Tamarë-Koplik mjeti tip Benz, furgon, me drejtues shtetasin M. K. 51 vjeç, dyshohet se ka humbur kontrollin mbi drejtimin e mjetit dhe për pasojë furgoni është batuar në një anë në rrugë.
Si pasojë janë lënduar lehtë pasagjerët, shtetasit Z. G. 80 vjec, Gj. P. 64 vjec , Xh. Rr. 23 vjec, D. V. 32 vjec, të cilët kanë marrë mjekim në Spitalin Rajonal Shkodër dhe më pas janë larguar në banesa.
Grupi hetimor vijon veprimet e mëtejshme për sqarimin e rrethanave të aksidentit.
