Një influencuese greke, e njohur si Super Kiki, emri i vërtetë i së cilës është Kiki Litsaki, ka dhënë një intervistë për mediat greke, dhe ka rrëfyer historinë e shoqërimit me një shqiptar i cili e ktheu në hajdute.
Në një intervistë për “Konilo Talks”, Super Kiki ka përmendur se një shqiptar e ka bërë të vjedhë një kioskë. Ajo thotë se ishte vetëm 11 vjeçe, merrte revista me dhurata por nuk prekte kasën, por më pas shqiptari i kërkoi me këmbëngulje paratë.
“Më kapi nga këmbët, më tundi derisa ranë paratë dhe gjeti diçka që kisha fshehur. Fillova të vrapoja me shpejtësi nëpër rrugët e ngushta. Ai po bërtiste. Pas shumë e shumë vitesh isha në Metagogon dhe e pashë. U gëzova që pashë dikë të njohur, por ai as që më përshëndeti, po kujtonte gjithçka që ndodhi”, tha Super Kiki.
