Një person ka qëlluar me armë zjarri në ajër duke alarmuar policinë e Vlorës. Mësohet se ngjarja ka ndodhur rreth orës 12:00, por që lajmi është bërë publik vetëm pak orë më vonë. Në njoftimin zyrtar, bëhet me dije se në afërsi të tunelit në “Uji të Ftohtë”, pas një konflikti për motive të dobëta, një person ka qëlluar me armë zjarri në ajër. Nuk ka persona të lënduar dhe autori i ngjarjes është identifikuar, por nuk është arrestuar ende.
Njoftimi:
Sot, rreth orës 12:00, në afërsi të tunelit në “Uji të Ftohtë”, si pasojë e një konflikti të çastit për motive të dobëta, dyshohet se një shtetas, ka qëlluar me armë zjarri në ajër. Nga verifikimet e bëra nga shërbimet e Policisë, nuk ka persona të dëmtuar.
Janë ngritur pika kontrolli dhe vijon krehja e zonës për kapjen e autorit i cili është identifikuar nga Policia menjëherë. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes dhe identifikimin e personave të përfshirë në konflikt
