Katër persona janë plagosur rëndë pasi u goditën nga rrufeja pranë Shtëpisë së Bardhë në SHBA.
Dy burrat dhe dy gratë ishin në Lafayette Park në Uashington DC gjatë një stuhie kur u goditën nga rrufeja.
Për shkak të afërsisë së parkut me selinë e presidencës amerikane, anëtarët e shërbimit sekret ishin ndër personat e parë i ndihmua.
Identiteti i të plagosurve ende nuk është konfirmuar.
Rrufeja goditi katër personat pranë një peme pranë gardhit që rrethon kompleksin e Shtëpisë së Bardhë.
Shërbimi Kombëtar i Motit kishte lëshuar një paralajmërim për stuhi në këtë zonë mbrëmjen e së enjtes.
Sheshi Lafayette është një park publik prej shtatë hektarësh në veri të Shtëpisë së Bardhë. Shpesh është i mbushur me vizitorë, veçanërisht gjatë verës.
