Reperja e famshme Doja Cat njihet për paraqitjet e saj të guximshme, por fansat mbetën të befasuar së fundmi kur ajo rruajti kokën live. Gjatë videos live, ajo shpjegoi se nuk i ka pëlqyer kurrë që të kishte flokë.
“Nuk më ka pëlqyer kurrë të kem flokë. Nuk mund të përmend një herë të vetme, që nga fillimi i jetës time që mund të kem thënë ‘duken bukur’. Thjesht nuk më pëlqen të kem flokë”, tha ajo.
Artistja theksoi se ndihej e rraskapitur kur punonte ndërsa duhej të mbante paruke. Ajo shtoi se ndërsa duhej të stërvitej, ishte gjithmonë e shqetësuar për pamjen e saj. Në fund, muzikantja theksoi se i pëlqente shumë look-u i ri.
