4 të rinj kanë mbetur të lënduar, si pasojë e djegies së mjetit të tyre në ecje e sipër.
Burime nga policia bëjnë me dije se mbrëmë, rreth orës 22:10, në aksin rrugor Lushnjë- Rrogozhin, në vendin e quajtur “Rotondo e Çermës”, dyshohet për shkak të një defekti në mjet, ka marë flak në ecje e sipër automjeti tip “Golf” me drejtues shtetasin E. K., 19 vjeç.
Për pasojë të flakëve kanë marë djegie në trup drejtuesi i mjetit si dhe tre pasagjerët që ishin në mjet, shtetasit A. S., 21 vjeç, Gj. Xh., 19 vjeç, dhe F. Xh., 17 vjeç, të cilët ndodhen në spital nën kujdesin e mjekëve. Mësohet se të rinjtë janë dërguar fillimisht në spitalin e Lushnjes dhe më pas drejt Tiranës.
Grupi hetimor po punon për zbardhjen e rrethanave të ngjarjes.
