“Presidenti i turpit, Presidenti i turpit”, ishin thirrjet e disa qindra qytetarëve të revoltuar me heshtjen e Presidentit Bajram Begaj, i cili edhe pas 72 orësh nuk ka reaguar lidhur me ngjarjen tragjike të ndodhur në Himarë, ku një vajzë vetëm 7 vjeç u vra nga skafi që drejtohej nga komisari Arjan Tase.
Pas Kryeministrisë, ku kanë ndezur qirinj në shenjë homazhi për jetën e këputur në mes, protestuesit i janë drejtuar Presidencës, ku edhe kanë kërkuar “drejtësi”.
“Ku je President, ku është Zonja e Parë, pse nuk reagoni”, ishin thirrjet e protestuesve.
