Ish-deputeti i LDK-së, Gani Geci, ka folur për punën që bën dhe angazhimet e tij ditore. Ai ka thënë se gjatë verës pushon më shumë, e shtoi se është i angazhuar në kompaninë që ka për prodhimin e blloqeve të ndërtimit.
Geci ka deklaruar se vizitohet shpesh nga qytetarët dhe emigrantët që vijnë nga jashtë vendit, për shkak të respektit që kanë për të.
Ai ka thënë se ka pasur raste, kur bashkëshortja e tij i ka bërë deri në 300 kafe në një ditë për miqtëe tyre.
“Ne punojmë, kemi 100 punëtorë fabrike të bllokave ndërtimorë. Për çdo ditë kam vizita të mëdha edhe në shtëpi por edhe në Skenderaj. Unë deri para një kohe ka pasur rast kur gruaja i ka nxjerrë deri 300 kafe në ditë për mysafirë.
Tashmë nuk po mundëm me i pritë më, nuk janë as djemtë me bo hyzmet, vetë s’mundem”, ka thënë Geci në Kanal10.
Ai ka bërë të ditur se tani është më i angazhuar rreth kompanisë së tij, ndaj edhe nuk ka kohën që ka pasur më herët për t’u takuar me të gjithë ata që kanë dëshirë ta takojnë.
