Karabinierët e Komandës Provinciale të Romës kanë arrestuar personin që ka dhënë urdhrin për vrasjen e shqiptarit Selavdi Shelaj më 20 shtator 2020.
Ekzekutimi i shqiptarit ndodhi në breg të detit në zonën e Torvajanicës dhe në pranga si porositësi i saj është vënë Giuseppe Molisso.
Molisso ndodhet në burg, sepse konsiderohet si urdhërues i tentativës së dyfishtë të vrasjes së vëllezërve Costantino që ndodhi më 13 korrik 2021 në rrethin Alessandrino.
Sipas hetuesve, vrasja e Shelajt, i njohur si Simone, i atribuohet një aksioni me karakter hakmarrës pas pritës së 14 nëntorit tri vjet më parë ndaj Leandro Bennato, subjekt që besohet se është i afërt me Molisso.
Me kërkesë të prokurorëve të DDA-së, prokuroria ka njoftuar një urdhër paraburgimi për Giuseppe Molisso. Autori është 40 vjeç dhe me origjinë napolitane, ndërsa rezulton tashmë i ndaluar për një çështje tjetër kriminale.
Urdhër-arresti është lëshuar edhe për Guido Cianfroça, i dyshuar serioz për gjetjen e armës së vrasjes. Ngjarja e përgjakshme ka ndodhur pranë një kioske, ndërsa autorët që kryen atentatin u arrestuan më 17 dhjetor të vitit të kaluar.
Ata janë Enrico Bennato dhe argjentinasi Raul Esteban Calderon. Mbi këtë të fundit tashmë rëndojnë edhe akuzat për vrasjen e ultrasit të Lazios, Fabrizio Piscitello.
Mediat italiane bënë me dije në vitin 2020 se 38-vjeçari shqiptar Selavdi Shehaj nuk ia ka dalë të mbijetojë 4 ditë pas atentatit në plazhin e Torvaianica, afër Romës.
Shehaj u qëllua nga dy të maskuar teksa ishte në plazh, dhe në atë moment po pastronte argjinaturën e kanalit pranë uzinës.
Dy autorët u afruan me skutera dhe një prej tyre e qëlloi dy herë në shpinë Shehajn.
Ai u transportua menjëherë në spital, ku në një operacion të vështirë 4-orësh i hoqën plumbat.
Mediat italiane shkruanin se Selavdi Shehaj ishte me precedent penal për trafik droge, kishte bërë edhe burg, si dhe njihej për lidhjet me ish-kapon e tifozëve të Lazios, Fabrizio Piscitelli, që drejtonte një grup të trafikut të drogës, por edhe ai ka përfunduar i vrarë kohë më parë.
