Pas ngjarjes së rëndë që ndodhi mesditën e së martës në Potam të Himarës, ku komisari i policisë Arjan Tase vrau me skaf një vajzë të mitur, ka pasur reagime të shumta në rrjetin social, por edhe në media.
Kryeministri Edi Rama me gjuhën e përdorur duket se ka irrituar edhe më shumë qytetarët, ndërsa në krah të tij, janë shfaqur emra analistësh e gazetarësh, që përpiqen t´a mbrojnë edhe kur nuk mbrohet dot.
Një nga ata që është rreshtuar me logjikën e Edi Ramës është Dritan Hila, ish-zv.ministër i Mbrojtjes në një nga Qeveritë e Rilindjes, i cili sot drejton një portal.
Në një video të publikuar në rrjetin e tij social, ai ka thënë se këto ngjarje ndodhin kudo në botë, pasi kështu është jeta në ujë.
“Ndodhin kudo në botë, ndodhin se e tillë është jeta në ujë, nuk ka polic dhe sinjalistikë”, thotë Hila.
