Një sherr virtual ka nisur mes dy artisteve të njohura shqiptare, Dafina Zeqirit dhe Era Istrefit, për një palë vathë. Të dy artistet janë shfaqur në fotot e fundit me vathë të mëdha rrethore me perla.
Dafina ka lënë të kuptuar se Era e ka kopjuar me postimet e fundit. Ajo publikoi një status tjetër ku shkruante: “U funny (je qesharake)” dhe kaq u desh që ndjekësit të shpërthenin në komente.
Pjesa më e madhe shkruajnë se Dafina është një artiste e madhe, por nuk duhet të nisë sherre për një palë vathë. “Pse Dafina na prish natën kështu? Mendo dy herë para se të postosh diçka. Je shumë artiste e madhe për kështu dramash palidhje!”, shkruan dikush.
Dafina postoi më pas të tjera foto me vathët “e famshëm” në Instagram dhe po ashtu ndryshoi “captionin” e postimit duke shkruar: “Çfarë është e rëndësishme me perlat është gruaja që i vesh ato”.
Ndërkohë Era nuk ka reaguar për këtë gjë, por ka bërë një postim me Dafinën. Ajo ka publikuar posterin e një prej koncerteve të përbashkëta që dy vajzat do të kenë, në mes të kësaj situate që ka pushtuar rrjetin.
Ndërsa, Dafina postimin paralajmërues për koncertin e ka bërë vetë përmes një videoje duke zgjedhur të mos e shpërndajë posterin ku shfaqet bashkë me Erën.
